Sport

19.11.2026.

22:42

Surovo: Treneru Blekpula ujutro čestitali rođendan, a popodne mu uručili otkaz

Neobičan obrt u Blekpulu: samo nekoliko sati nakon javne rođendanske čestitke, klub je zbog loših rezultata smijenio trenera Ijana Evata.

Surovo: Treneru Blekpula ujutro čestitali rođendan, a popodne mu uručili otkaz
Foto:Fejsbuk

Engleski trećeligaš Blekpul (Blackpool) danas je ujutro na društvenim mrežama čestitao 45. rođendan treneru Ianu Evattu, a u 17 sati objavio je da Evatt više nije trener kluba.

Klub je odluku objavio saopštenjem na službenoj stranici, u kojem navodi da je Evatt napustio poziciju glavnog trenera nakon 12 mjeseci.

Odluka je uslijedila nakon loše serije u League One. Blackpool je u posljednjih deset prvenstvenih utakmica upisao samo jednu pobjedu i šest poraza, a posljednji meč pod Evattovim vodstvom izgubio je 1:0 na gostovanju kod AFC Wimbledona, prenosi Central Radio. Ekipa je trenutno 20. na tabeli, tik iznad zone ispadanja, s tri pobjede iz 13 kola.

Prema pisanju britanskih medija, ekipu će u subotu protiv Wigan Athletica privremeno voditi Steve Thompson.

Evatt je trener Blackpoola postao u oktobru 2025. godine, kada je naslijedio Stevea Brucea, i potpisao ugovor do juna 2028. U prvoj sezoni klub je doveo do 13. mjesta u League One.

Za Blackpool je kao igrač nastupio više od 250 puta. Klub u saopštenju podsjeća da je u šest godina na Bloomfield Roadu imao važnu ulogu u usponu iz League One u Premier ligu, uz dva uspješna baraža.

“Klub se zahvaljuje Ianu na svim naporima tokom vremena provedenog na Bloomfield Roadu”, navodi se u saopštenju.

Prije povratka u Blackpool, Evatt je vodio Barrow, s kojim je 2020. osvojio National League, te Bolton Wanderers, s kojim je 2023. osvojio EFL Trophy, prenose mediji.

Pridružite se

Saznajte sve o najvažnijim vijestima i događajima, pridružite se našoj Viber zajednici.

Provjereno.info
Podijeli