Peter Mađar neće policijsku zaštitu

Budući mađarski premijer Peter Mađar izjavio je da je odbio ponudu za ličnu policijsku zaštitu, obećavši da će voditi zemlju na način koji obezbjeđuje sigurnost i povjerenje za sve građane.

"Hvala šefu nacionalne policije na ponudi, ali i dalje odbijam ličnu policijsku zaštitu - bilo 24-satnu ili neku drugu", naveo je Mađar na mreži X.

Dodao je da "dosad nije imao čega da se boji" i da "namjerava raditi na način da se neće imati čega bojati u budućnosti", prenio je Euronjuz.

Mađar je rekao da mu je cilj izgraditi zemlju u kojoj se građani osjećaju sigurno.

"Mađarska će postati mjesto gdje se niko ko radi i živi pošteno ne mora bojati", rekao je istovremeno zahvalivši policajcima na njihovoj službi.